ELINDER “Summer School on Nuclear Decommissioning and Waste Management”
ევროკომისიის ერთობლივი კვლევითი ცენტრი (JRC) 2025 წლის 23-27 ივნისს იტალიის ქალაქ ისპრაში მასპინძლობს 5-დღიან საზაფხულო სკოლას ბირთვული დეკომისიისა და რადიოაქტიური ნარჩენების მართვის შესახებ (DSS). ეს უნიკალური, პრაქტიკაზე ორიენტირებული სასწავლო კურსი ასევე მოიცავს ისპრაში არსებული ბირთვული ობიექტების დათვალიერებასა და საილუსტრაციო მაგალითების შესწავლას.
DSS-ის 2025 წლის კურსი ტარდება ბირთვული დეკომისიისა და გარემოს რემედიაციის ევროპული სასწავლო ინიციატივების (ELINDER) ფარგლებში (ELINDER: The European nuclear decommissioning training programme - European Commission).
კურსი გათვლილია იმ სტუდენტებზე, რომლებმაც უკვე დაასრულეს სწავლების პირველი ეტაპი ინჟინერიის, მეცნიერებისა და ტექნოლოგიების სფეროში და სურთ, თავიანთი საგანმანათლებლო პროგრამა გაამდიდრონ არდადეგების პერიოდში.
მოთხოვნები და პრიორიტეტები:
უპირატესობა მიენიჭებათ იმ სტუდენტებს, რომლებიც ირიცხებიან სამაგისტრო ან სადოქტორო პროგრამაზე და არ ეწევიან ანაზღაურებად პროფესიიულ საქმიანობას.
ძირითადი დეტალები:
- მიღებული სტუდენტებისთვის მონაწილეობა უფასოა;
- JRC-ი უზრუნველყოფს სასწავლო კურსის დაფინანსებასა და განთავსებას;
- მგზავრობის ხარჯები, შესაძლოა, ნაწილობრივ ანაზღაურდეს ევროკავშირის ENEN2plus პროექტის ფარგლებში (https://enen.eu/index.php/portfolio/enen2plus-project/).
დამატებითი ინფორმაციისათვის მიჰყევით ბმულს: https://joint-research-centre.ec.europa.eu/eu-nuclear-decommissioning-knowledge-management/15th-edition-summer-school-nuclear-decommissioning-and-waste-management-2025-06-23_en
DSS კურსი შეზღუდულია 40 მონაწილემდე. განაცხადების მიღება შესაძლებელია 2025 წლის 28 თებერვლის 23:59 CEST-მდე.
