ონლაინ საბროკერო ღონისძიება „ჰორიზონტი ევროპას“ მისიების შესახებ
26-27 მაისს, პროექტის NCP4Missions ფარგლებში, გაიმართება ,,ჰორიზონტი ევროპას'' მისიების ონლაინ საბროკერო ღონისძიება, რომელიც 2025 წლის კონკურსებისათვის ძლიერი კონსორციუმის შექმნაში დაგეხმარებათ.
პლენარული სესია ჩატარდება 26 მაისს, 10:00 – 11:00 CEST;
ორმხრივი შეხვედრები ჩატარდება 26 მაისს, 11:00 – 19:00 CEST და 27 მაისს, 10:00 – 19:00 CEST;
თემატური მიმართულებები:
• კლიმატის ცვლილებებთან ადაპტაცია;
• კიბო;
• ევროპის ოკეანეებისა და წყლის რესურსების აღდგენა 2030 წლამდე;
• 100 კლიმატნეიტრალური და ჭკვიანი ქალაქი 2030 წლამდე;
• მიწის ხელშეკრულება ევროპისათვის.
სამიზნე აუდიტორია მოიცავს: კომპანიებს, უნივერსიტეტებს, კვლევით და ტექნოლოგიურ ორგანიზაციებს, საჯარო სექტორს, არასამთავრობო ორგანიზაციებსა და სხვას.
ღონისძიება სრულად ონლაინ რეჟიმში ტარდება და უფასოა – თუმცა რეგისტრაცია და პროფილის აქტივაცია სავალდებულოა.
დეტალებისათვის მიჰყევით ბმულს: https://missions-horizon-europe-brokerage-2025.b2match.io/
