26სექტემბერი
,,ჰორიზონტი ევროპა'' ახალგაზრდა მეცნიერთა კვირეულის სამეცნიერო ფესტივალზე გორში
26 სექტემბერს ქალაქ გორში ჩატარებულ ახალგაზრდა მეცნიერთა კვირეულის ფარგლებში ორგანიზებულ სამეცნიერო ფესტივალს ,,ჰორიზონტი ევროპაც’’ შეუერთდა.
ღონისძიების მიზანი იყო ეროვნული სამეცნიერო, ტექნოლოგიური და ინოვაციური პოტენციალის წარმოჩენა და პოპულარიზაცია; საქართველოს რეგიონებში კვლევითი საქმიანობის ინტერნაციონალიზაციის მხარდაჭერა, ახალგაზრდებში მეცნიერების პოპულარიზაცია, კვლევებსა და ინოვაციურ საქმიანობაში მათი ჩართულობის მოტივირება, ინტერდისციპლინური კვლევების წახალისება, საზოგადოებაში მეცნიერებისა და ინოვაციების მნიშვნელობის შესახებ ცნობიერების ამაღლება.
აღნიშნული ღონისძიება სსიპ გორის სახელმწიფო უნივერსიტეტის ორგანიზებითა და საქართველოს განათლების, მეცნიერებისა და ახალგაზრდობის სამინისტროს მხარდაჭერით განხორციელდა.
