Successful R&I in Europe 2026 – 13th European Networking Event - თეონა ძაგნიძე
19-20 თებერვალს, დუსელდორფი (გერმანია) გამართულ საშუამავლო ღონისძიებაში Successful R&I in Europe 2026 – 13th European Networking Event - მონაწილეობა მიიღო საქართველოს უნივერსიტეტის ასოცირებულმა პროფესორმა, თეონა ძაგნიძემ.
თეონა ძაგნიძემ, ჯანმრთელობის კლასტერის ფარგლებში, გამოკვეთა ის თემები, რომლებიც განსაკუთრებით მნიშვნელოვანი იყო და ეხებოდა :
არაგადამდები დაავადებების მართვის მტკიცებულებებზე დაფუძნებულ, პაციენტზე ორიენტირებულ მოდელებს;
ჯანდაცვაში ხელოვნური ინტელექტის სანდო, ეთიკურ და რეგულაციებთან შესაბამის გამოყენებას;
ციფრული ჯანდაცვის ტექნოლოგიების სისტემურ გავლენას, შეფასებასა და მასშტაბირებას.
მონაწილეობის ფარგლებში დაიწყო ევროპელ პარტნიორებთან თანამშრომლობის ახალი ეტაპი — კონსორციუმის ფორმირების პროცესი და დაგეგმილია სამუშაო შეხვედრები Horizon Europe-ის საგრანტო განაცხადზე ერთობლივი მუშაობის დასაწყებად, რაც გულისხმობს საერთაშორისო თანამშრომლობის გაღრმავებას ჯანმრთელობის მიმართულებით.
